Les #MujeresRurales 👩🌾 son guardianes de la tierra, impulsores del cambéu y motor del futuru de los nuesos pueblos. Nel #DíaDeLasMujeresRurales reivindicamos el so lideralgu, la so capacidá tresformadora y el so papel esencial na sostenibilidá y la vida rural. Les muyeres rurales representen el 25% de la población mundial y son pieza clave na producción d’alimentos y na economía 🌾Sicasí, solo’l 15% tien tierres agrícoles.
https://www.instagram.com/fundacionbiodiversidad/
Esti 15 d’ochobre celebramos la fuerza, el compromisu y la sabiduría de millones de muyeres que, dende los campos y comunidaes rurales, alimenten al mundu, caltienen tradiciones y constrúin futuru.
Elles son el corazón del desenvolvimientu sostenible:
💪 Trabayen la tierra.
🌱 Protexen el mediu ambiente.
👩🏫 Tresmiten conocencia y valores a nueves xeneraciones.
Güei les muyeres rurales somos toles que vivimos o trabayamos nos núcleos rurales, nin meyores, nin peores que les demás, solo estrémanos el paisaxe.
Les muyeres llabradores a lo llargo de la hestoria demostraron qu’elles son les que constrúin esa hestoria, ese pasáu, ese presente y ese futuru de vida.
Muyeres fuertes, pañadores d’alimentos que tresformen en pan, en vida.
Siempres pensé que les muyeres de campu yeren enfermeres, sicólogues, economistes, maestres, ames de casa, pero sobremanera son mages. Sí, para mi, les muyeres rurales son mages, faen que los alimentos lleguen para toos, por más que se sienten a la mesa. Que siempres tengamos un platu caliente nos fríos iviernos norteños, que la lleña pueda convertise en fueu, y la farína en pan. ¡Son les mages de la casa! , soplen y sumen tu dolor.
Trabayadores incansables fuera y dientro. Igual corten lleña, qu’enciende’l fueu, que calecen les tos manos. Igual recueyen el trigu, que lo mallen, que lo muelen, que faen pan.
Llabren les tierres, semen pataques.
Les muyeres rurales tienen la fuerza de la naturaleza, la enerxía del sol, y la serenidá de la lluna.
Les muyeres rurales dannos los raigaños, esos raigaños que s’alimenten de la tierra.
Dannos la llucha, esa llucha por caltener vivu’l pasáu.
Dannos la fuerza del vientu para siguir, para construyir, para camudar, tresformar lo inútil en preséu, la murnia n’allegría.
Les muyeres del campu canten mientres llabren la tierra, canten mientres duermen los fíos, canten para axorizar les nubes, canten para poner música a les sos palabres callaes.
Les manos de les muyeres rurales son como los mapes de la tierra. Tienen les arrugues de les llombes, les venes de los ríos, los riegos de los riegos, les uñes de tierra.
