Alarma na sablera de Lluanco pola apaición de carabeles portugueses. 

La Policía Local de Gozón alvierte que yá asocedió «dos o trés vegaes mientres la selmana pasada» y encamienta a los vecinos nun tocales hasta que les retire. El Comercio

Los viandantes de la sablera de Lluanco lleváronse una sorpresa esti domingu pela tarde al reparar l’arenal. Cientos de carabeles portugueses fueron abasnaes pola marea, llamando l’atención de los vecinos y un bon grupu de curiosos. Nun ye la primer vegada qu’asocede daqué paecíu desque terminó la temporada de baños, según la Policía Local, cuidao que yá asocedió «dos o trés vegaes mientres la selmana pasada».

Los vecinos de Gozón baxaron rápido al arenal para reparar dalgunos de los exemplares de barganal; «tienen los tentáculos perllargos nótase que son peligroses», apreció Cristina Gutiérrez, residente na zona. Hasta que’l personal de llimpieza baxe a retirales, les autoridaes encamienten «nun averase al arenal y nun tocales».