Güei, 1 d’ochobre, celebramos el Día Européu de les Fundaciones y los Donantes, una xornada impulsada por Philea para poner en valor el papel de la filantropía na construcción d’un mundu más xustu, sostenible ya igualitariu. El lema d’anguaño —“Escontra la igualdá como una realidá vivida”— convídanos a imaxinar y crear un futuru onde la igualdá nun sía solo un ideal, sinón una esperiencia compartida.
Na Fundación Margarita Salas trabayamos acaldía para averar la ciencia a la sociedá, inspirar nueves vocaciones y abrir oportunidaes al talentu, convencíos de que la igualdá y l’educación son motores de tresformamientu social. Güei celébrase tamién dende DAMOS25, el gran alcuentru de la filantropía n’España, qu’axunta en Sevilla a fundaciones, donantes y espertos de toa Europa. La nuesa presidenta Lucía Viñuela participa en representación de la Fundación, compartiendo la nuesa visión d’una ciencia con impactu social.
