«Les persones d’edá impulsen l’acción local y mundial:
les nueses aspiraciones, el nuesu bienestar y los nuesos derechos»
Tien como oxetivu destacar el papel esencial de les persones mayores na sociedá, promover los sos derechos humanos y garantizar la so participación activa, dignidá y respetu. En 2025, el lema céntrase en cumplir les promeses de la Declaración Universal de Derechos Humanos pa les persones mayores, fomentando la solidaridá y la equidá ente xeneraciones. Día de… /
Celébrase’l 1 d’ochobre de cada añu dende 1991, en siendo proclamáu pola Asamblea Xeneral de les Naciones Xuníes el 14 d’avientu de 1990.
La fecha foi escoyida para coincidir col entamu del mes, dedicáu tradicionalmente a cavilgar sobro l’avieyamientu y les sos implicaciones, como la promoción de biotecnoloxíes innovadores pa prevenir procesos dexenerativos y estender la vida activo y saludable.
Nos postreros 30 años el númberu de persones mayores de 60 doblóse en demasía hasta algamar los 1.200 millones. En 2050, van formar parte de la familia humana otros 900 millones de persones d’edá. Esto representa un cambéu demográficu fondu, que va tener consecuencies de gran algame para les economíes, los sistemes de salú y la cohesión social.
Tenemos de responder con previsión y acción. Velar por que respétense dafechu los derechos de les persones d’edá, deféndase la so dignidá y reconózanse les sos aportaciones.
Como nos recuerda’l lema d’anguaño, les persones d’edá son poderosos axentes de cambéu. Tien d’escuchase la so opinión a la de configurar les polítiques, acabar cola discriminación por motivos d’edá y construyir sociedaes inclusives.
La sabiduría de les persones d’edá beneficia a toles comunidaes y edaes. Estes persones tienen munches conocencies que tresmitir sobro cómo encarar la incertidume, resolver conflictos y forxar la solidaridá ente xeneraciones.
Comprometámonos a escuchar, aprender y actuar. Creemos un mundu en que toles persones, sía como quier la so edá, puedan vivir con respetu, seguridá y oportunidaes.
António Guterres
