Nel Día Mundial del Hábitat recordamos la importancia de caltener les redolaes naturales que sofiten la vida nel planeta. Cada especie precisa un hábitat onde atopar alimentu, abelugu y les condiciones fayadices para sobrevivir.
Nun ecosistema, l’hábitat ye’l llugar onde vive la comunidá. Un hábitat puede ser de gran tamañu, como l’océanu abiertu o los montes de coníferes del hemisferiu norte, y coles mesmes puede ser pequenu, como una llamarga de marea o les glándules sebáceas d’un mamíferu.
Namá’l 15 % de los hábitats d’Unión Europea atópense en bon estáu. La Llei de Restauración de la Naturaleza pretende restaurar siquier el 20% de les zones terrestres y marítimes de la UE para 2030 y tolos ecosistemes degradaos para 2050.
