Esperamos una xornada estable na que van predominar los grandes claros en tol Principáu d’Asturies. A lo sumo, van poder apaecer dellos intervalos de nubes altes ensin importancia a lo llargo del día. La probabilidá de precipitaciones va ser rotundamente nula. Los vientos van predominar de componente este na mariña con raches moderaes, ente que nel interior los vientos van ser fluexos. Les temperatures máximes van xubir de forma xeneralizada. Esti ascensu va ser d’hasta 2 ºC nel occidente, hasta 3 o 4 ºC nel centru, y nun se refuga que puedan xubir hasta 5 ºC respectu al miércoles nel interior oriental. Tocantes a les mínimes, van ser bien similares. Sía que non van poder xubir bien llixeramente en Picos d’Europa y tamién nel suroccidente.
El vienres vamos tener otru día marcáu pola estabilidá onde los cielos van tar velaos por cuenta de la presencia de nubes de tipu altu. Un día más, la probabilidá de precipitaciones va ser nula. Los vientos espérense fluexos y variables. Les temperatures máximes van baxar ente 2 y 3 ºC nel centru y nel oriente, y de forma más llixera nel occidente. Les mínimes van xubir en tola rexón.
El sábadu va llegar xuna masa de nubes que va dexar precipitaciones mientres la segunda parte del día.
