Esperamos otru día sele en tol Principáu d’Asturies. Mientres la xornada vamos tener nubes altes que van dexar los cielos atapecíos, pero la probabilidá de precipitaciones va ser totalmente nula. Los vientos prevense fluexos y variables anque, sía que non, con ciertu predominiu de componente oeste. Les temperatures máximes van ser unu o dos graos más baxes que les del xueves. Les mínimes van xubir de forma xeneralizada.
El sábadu sí que vamos tener cambeos. Va llegar un frente fríu a lo llargo del día y, con ello, nubes y precipitaciones. Comoquier, vamos amanecer con cielos pocu nublos. Rápido, vamos dir reparando como la nubosidá va dir entrando pola mariña y va dise estendiendo mientres la mañana al restu de la rexón.
