Esperamos una mañana con cielos bien nublos y cola posibilidá de precipitaciones que van ser más frecuentes nel norte de la rexón y cuanto más escontra l’oriente. Pero, a lo llargo de la tarde, vamos reparar como les nubes van ser cada vez menos compactes hasta’l puntu de quedar los cielos poco nublos o inclusive prácticamente estenaos en tol Principáu d’Asturies nel tramu final del día. Los vientos van ser fluexos y variables pudiendo predominar de nordeste-esti moderaos, siquier, na mariña. Les temperatures máximes van baxar de forma xeneralizada salvu, sía que non, nel estremu más suroccidental onde apenes van variar respectu al sábadu. El descensu nel restu va ser d’hasta 2 o 3 ºC nel occidente, y hasta 4 o 5 ºC nel oriente. Les mínimes van baxar llixeramente na gran parte de la Comunidá Autónoma.
El llunes vamos empecipiar la selmana con un día soleyeru de principiu a fin. Los vientos van soplar de componente esti moderaos y, inclusive, localmente fuertes na mariña. Más fluexos nel interior. Les máximes van xubir hasta 5 o 6 ºC ente que les mínimes volverán baxar.
