Para esti llunes esperamos empezar la selmana con una xornada estable en tol Principáu d’Asturies. Los cielos van tar con poca nubosidá o prácticamente estenaos en cualquier puntu mientres tola xornada. Les temperatures máximes van xubir de forma xeneralizada. Concretamente, hasta 8 ºC más qu’esti domingu nel cordal, hasta 5 o 6 ºC nel restu del sur de la rexón y en tol interior occidental, y hasta 4 ºC nel restu d’Asturies. Les mínimes, sicasí, van baxar y van #facer sobremanera nel sector central. Los vientos van soplar de componente esti moderaos, ya inclusive por momentos localmente fuertes, na mariña. Nel interior espérense fluexos y variables.
El martes tamién vamos esfrutar d’otru día estable nel que los cielos van tar pocu nublos en llínees xenerales. Los vientos van ser moderaos na mariña y fluexos nel interior. Les temperatures máximes van ser daqué más altes de forma que ye posible que mañana pueda ser, teniendo en cuenta la previsión de los siguientes díes, el día más templáu de la selmana. A lo llargo del miércoles van llegar bastios y van baxar les temperatures.
