Esperamos bon tiempu n’Asturies. Anguaño tamos sol radiu d’acción d’un anticiclón centráu nes Isles Britániques que bloquia la llegada d’umbaes dende l’océanu Atlánticu. Ye por ello polo que vamos tener cielos prácticamente estenaos dende primer hasta última hora del día. A lo sumo, podríamos amanecer con dalgún bancu de borrina de forma local en delles zones del interior asturianu pero, rápido, van estenase. Los vientos van ser fluexos pela mañana pudiendo predominar de sur y, a partir del mediudía, van ser de componente este con raches moderaes na mariña y fluexes nel interior. Les temperatures máximes van xubir hasta 5 ºC nel suroccidente, ente 3 y 4 ºC nel restu de la metá sur, y un par de graos nel restu del Principáu. Les mínimes van baxar nel occidente y nel centru, ente que se van caltener nel oriente y nel cordal.
El domingu volveremos esfrutar d’un día dafechu asoleyáu n’Asturies. Los vientos, un día más, van poder predominar de sur mientres la madrugada y la mañana, pero a partir del mediudía van ser de componente este. Les temperatures máximes van siguir xubiendo y, nel casu de mañana, van facelo sobremanera nel centru de la rexón (hasta 5 ºC más). Les mínimes van xubir na metá sur y van caltenese nel restu.
A les traces, la próxima selmana preséntase estable, pudiendo caltenese estes condiciones meteorolóxiques, hasta’l final de la mesma.
