Esperamos, nuevamente, unes condiciones meteorolóxiques estables en tol Principáu d’Asturies dende primer hasta última hora del día. Los cielos van tar pocu nublos o estenos. Asina tou, nun se refuguen dellos intervalos de nubes baxes ensin importancia que podríen apaecer na mariña a lo llargo del día (con más probabilidá na mariña occidental). Pela tarde, podría desenvolvese cierta nubosidá d’evolución nel cordal. Los vientos van ser fluexos y variables, pudiendo afitase de componente este na mariña con raches moderaes mientres la segunda parte del llunes. Les temperatures máximes van ser bien similares a les del domingu, pudiendo baxar a lo sumo un grau nel cordal. Poro, vamos encarar un día festivu marcáu pola estabilidá y un ambiente térmico bien prestosu teniendo en cuenta que nos atopar nos yá somorguiaos en plenu mes d’ochobre.
El martes vamos amanecer con nubes baxes na mariña y nun se refuga que puedan estendese a otros puntos de la metá norte asturiana. Nel restu, espérense cielos soleyeros con nubes d’evolución diurna nel cordal pela tarde. Les temperatures van baxar bien llixeramente pero siguirán rexistrándose valores percima de los 20 ºC na rexón.
