El martes, vamos poder amanecer con dellos intervalos de nubes baxes na mariña y otres zones de la metá norte, con cielos más soleyeros nel restu del Principáu. Nun se refuga qu’a lo llargo del día puedan abrise delles escamplaes tamién naquelles zones onde amanecieron nublaes, al igual que nun se refuga tampoco que les nubes de tipu mediu y alto puedan cobrar mayor protagonismu nel cordal mientres la tarde. Los vientos van ser fluexos y variables con posibilidá d’afitase de nordés-esti na mariña especialmente. Les temperatures máximes van baxar un par de graos de media na rexón. Les mínimes van esperimentar pocos cambeos.
Una gran umbada atlántica bien alloñada de la Península va caltenese prácticamente paralizada a la espera de que les altes presiones empiecen a debilitase para poder averase. Según los modelos meteorolóxicos, esto podría tener llugar a la fin de la selmana o principios de la próxima. Con éses hasta entós vamos tener garantizáu prácticamente un ambiente estable y con unes temperatures relativamente prestoses para les feches.
