Les altes presiones, de les que llevamos falando estos últimos díes, siguen afectándonos de llenu y, por ese motivu, siguimos con unes condiciones meteorolóxiques estables nel Principáu d’Asturies. Vamos amanecer con gurrianes na mariña y munchos otros puntos de la metá norte asturiana, y con cielos más llimpios escontra’l sur de la rexón. Estes gurrianes van estrenase a partir del mediudía anque, aquel día, van apaecer nubes de tipu altu que podríen dexar atapecíu’l cielu. Nel tramu final de la tarde ye bien probable que les nubes baxes vuelvan apaecer pola mariña y #enfusar escontra l’interior. La probabilidá de precipitaciones va ser nula. Los vientos van soplar de componente este con raches moderaes na mariña, ente que nel interior van ser fluexos. Les temperatures máximes apenes van variar, xubiendo namá bien poco nel suroccidente.
Va ser a lo llargo del tramu final de la selmana cuando l’anticiclón se vaya retirando escontra’l continente européu y dexe paso a una umbada atlántica que s’atopa anguaño estacionaria y que, bien probablemente, afectará mientres la próxima selmana.
El xueves, al igual que’l vienres, esperamos xunas previsiones bien similares.
