Gracies a los vientos d’oeste-suroeste con raches moderaes y, inclusive, localmente fuertes por momentos nel occidente sobremanera, les temperatures máximes van xubir de forma xeneralizada en tol Principáu d’Asturies. Van xubir hasta 3 ºC na metá oeste asturiana y hasta 4 ºC na oriental. Les temperatures mínimes, igualmente, tamién van xubir en tolos conceyos. Los cielos presentaránse nublos escontra l’oeste y escontra el sur de la rexón, con más claros tantu nel centru como nel oriente y na mariña. Asina tou, mientres la segunda parte del día, ye probable que les nubes tengan un mayor protagonismu pudiendo dexar bastios irregularmente partíos de forma ocasional, pero que podríen ser más frecuentes na metá sur de la Comunidá Autónoma.
El miércoles va ser un día de nuevu bien prestosu térmicamente con un predominiu nuevamente de vientos de suroeste moderaos que van acabar siendo fuertes, sobremanera, nel oeste, mariña y sur d’Asturies.
Na recta final del día activaráse l’avisu mariellu por fuertes vientos nel suroccidente y nel cordal. Igualmente, tamién se va activar l’avisu mariellu na mar del sector occidental por fuertes vientos costeros y por foles d’hasta 5 metros d’altor.
