Amás de l’avisu mariellu por raches d’hasta 90 km/h, en relación a les temperatures, les máximes van baxar ente 6 y 8 ºC nel centru y oriente asturianu respectu al miércoles, y ente 4 y 6 ºC nel occidente. Les temperatures mínimes, que se van producir a la fin del día van baxar hasta 6 ºC na metá sur y hasta 4 ºC na metá norte. Finalmente, en cuanto al estáu de los cielos, vamos tener más nubes escontra l’occidente y escontra el cordal con mayor posibilidá de ver escamplaes nel restu, sobremanera mientres la segunda parte del día.
Nel suroccidente, nel cordal y na zona central del Principáu l’avisu mariellu va tar activáu hasta les 10 hores de la mañana por raches que podríen algamar los 90 km/h. Na mariña occidental va tar activáu l’avisu mariellu hasta les 12:00 hores del mediudía tamién por raches d’hasta 90 km/h. Na mariña oriental l’avisu va enllargar hasta les 16:00 hores de la tarde. Amás, en cuanto al aguaxe vamos tener activáu l’avisu naranxa nel sector occidental de la mariña hasta les 14:00 por foles d’hasta 7 metros d’altor, y a partir d’esi momentu va baxar a nivel mariellu hasta medianueche por foles d’hasta 4 o 5 metros. Mentanto, nel sector oriental l’avisu naranxa va tar hasta les 17:00 por foles d’hasta 7 metros, pasando a nivel mariellu hasta’l final del día por foles d’hasta 4 o 5 metros.
