Empezamos la selmana con bon tiempu en tol Principáu d’Asturies. Tamos sol predominiu de les altes presiones polo que les condiciones meteorolóxiques van tar marcaes pola estabilidá. Dende primer hora de la mañana preven cielos pocu nublos o estenos na rexón y asina van siguir a lo llargo de tola xornada. Les temperatures máximes van xubir unos 5 ºC nel cordal, ente 3 y 4 ºC nel restu de la metá sur, y hasta 3 ºC na metá norte. Les temperatures mínimes van baxar llixeramente de forma xeneralizada, salvo na zona central asturiana onde’l descensu va ser daqué más significativu.
Los vientos van ser fluexos y variables pudiendo predominar, sía que non, de norte por momentos. Poro, espéranos un día soleyeru pero con un ambiente térmico frescu, independientemente de que les temperatures tiendan a l’alza nel casu de les máximes cuidao que en nenguna localidá superarán los 17 o 18 ºC. El martes tamién se preve tiempu estable anque va dir apaeciendo nubosidá de tipu altu, ya inclusive medio, conforme vaigan trescurriendo les hores. Les temperatures van xubir
