Vamos tener una xornada estable en llínees xenerales. Los cielos van tar pocu nublos de primeres con enclín a apaecer nubes altes que, a lo sumo, van velar el cielu. Nun se refuga pela tarde la presencia de nubes de tipu mediu pero que tampoco van dexar precipitaciones. Sía que non, podría escapase a última hora del día dalguna gota nel suroccidente. Los vientos van soplar de sur-suroeste en tola metá sur y nel sector occidental con intensidá moderada. Nel restu, los vientos van ser fluexos. De cara al tramu final del día, estos vientos de sur dirán xeneralizándose polo que van acabar afectando a tol Principáu. Ello ye que prevese una madrugada de xueves a vienres bien airosa con raches que podríen aportar a localmente fuertes nel cordal y, especialmente, en Picos d’Europa. Tocantes a les temperatures, prevese un ascensu llixeru nel oeste asturianu y ensin grandes cambeos nel restu. Les mínimes van baxar en tola Comunidá Autónoma.
El vienres vamos tener cielos con nubes medies y altes. Prevese mayor *nubosidad escontra’l cordal y escontra l’oeste onde la probabilidá de precipitaciones va ser mayor. Cuanto más movamos escontra’l norte y escontra l’oriente menos posibilidá d’agües va haber. Les temperatures van xubir especialmente nel casu de les mínimes. Va ser un ascensu notable y xeneralizao. Los vientos van soplar de sur con raches *localmente fuertes en zones de monte y moderaes nel restu d’Asturies, con enclín a perder intensidá a midida que meyora’l día.
