- Alborecemos col cielu poco nuboso o escamplaú ya con unes temperatures que tan alrodiu de los 11ºC, rexistrándose nel puirtu Payares 9,4ºC.
- Güei vamos tener el cielu empuercáu de nubes altes con unes temperatures n’ascensu ya col aire que sedrá sele ya variable.
- Mañana miércoles aumentará la nubosidá y les temperatures descenderán moderadamente con vientu nordés que baxará entovía más la sensación térmica.
- El xueves alboreceremos con dalgo d’orpín nes zones favoretibles con tendencia a dir disminuyendo la nubosidá y abrise dellos claros o abancios a partir del mediudía con unes temperatures que camudarán poco, calteniéndose un ambiente fresco, sobre too ellí onde nun temos al abellugu del vientu nordés que va seguir soplando cafiantemente.
- El vienres va tar poco nuboso o escampláu pero l’aire nordés fadrá que nun suban les temperatures másimes y la fin de selmana presentase afayaiza y seliquina.
