- Alborecemos col cielu cubiertu ya con unes temperatures que tan alrodiu de los 13ºC, rexistrándose nel puirtu Payares 6,1ºC.
- Güei vamos tener el cielu nuboso con precipitaciones febles y disperses que sedrán más probables pela tarde y na fastera surocidental y cordelera con unes temperatures másimes en descensu llixeru y col aire variable con tendencia a coyer fuercia pela tarde a rolar a componente noroeste.
- Mañana xueves tendremos un día seliquino, sin preipitaciones y sol veláu per delles nubes altes con unes temperatures mínimes en descensu, mentantu les másimes subirán dalgo, amás l’aire sedrá sele ya variable aumentando al finar el día cuando surdirá’l vientu ábrigu.
- El vienres va tar mui nuboso pero solo con precipitaciones na fastera más surocidental y cordelera, nel restu sedrán mui poco probables con aire ábrigu que pue soplar con raches fuertes en zones de la cordelera quedando abellugaos per esta’l restu d’Asturies con unes temperatures en moderáu ascensu con foehn nes zones baxes.
- El sábadu dempués de que llueva dalgo durante’l riscar, pel día tenderán abrise dellos claros o abancios, l’aire rolará a gallegu y refrescará dalgo l’ambiente.
