- Alborecemos con nubes altes ya con unes temperatures que tan alrodiu de los 13ºC, rexistrándose nel puirtu Payares 11,5ºC.
- Güei vamos tener el cielu empuercáu de nubosidá alta que malpenes velará al sol con unes temperatures que camudarán poco o baxarán llixeramente, calteniéndose un ambiente mui suave pa les feches nes que mos atopamos.
- Mañana sábadu la llegada d’un frente poco activu fadrá qu’aumente la nubosidá a lu llargu la mañana a pesar d’alborecer col cielu poco nuboso o escampláu. A primera hora de la tarde rolará l’aire a componente noroeste cuando tendremos vientu racheado ya moderáu con dalguna racha fuerte, amás entrará muncha nubosidá baxa ya tendremos delles precipitaciones que sedrán febles en xeneral. Les temperatures en descensu, dándose les mínimes al finar el día.
- El domingu tovía va caltenese la nubosidá anque abriránse dellos claros o abancios y les temperatures descenderán moderadamente.
- El llunes tendremos el cielu nuboso por estratos, tando más escampláu hacia la cordelera y fastera surocidental d’Asturies con un ascensu de les temperatures y el martes paez que tará escampláu ya tendremos mui bon tiempu, pero esto yá lu diremos viendo.
