- Alborecemos col cielu poco nuboso o escampláu ya con unes temperatures que tan alrodiu de los 13ºC, rexistrándose nel puirtu Payares 11,9ºC.
- Güei vamos tener el día más calurosu de la selmana con escasa nubosidá nel cielu sicasí tará dalgo empuercáu de nubes altes, amás el nordés amenorgará na costa.
- Mañana vienres alboreceremos con estratos na fastera central asturiana dixebrándose a lu llargu la mañana quedando el cielu con dalguna nube alta que malpenes velará’l sol. Les temperatures camudarán poco o baxarán llixeramente les másimes, mentantu les mínimes subirán.
- El sábadu la cola d’un frente poco activu va deslizase per Asturies pero nun sedrá hasta primera hora de la tarde. La mañana sedrá seliquina y soleyera con temperatures afayaices. Cola llegada del frente rolará bruscamente l’aire a componente noroeste y nos dexará raches de moderaes a fuertes, amás surdirá nubosidá baxa con precipitaciones, remiendo al atapecer y les temperatures descenderán.
- El domingu torna la estabilidá ya tendremos un día soleyeru pero con temperatures fresques.
