Fuelga estudiantil contra’l bullying tres el casu de Sandra Peña: les protestes n’Asturies. El Sindicatu d’Estudiantes llama a «enllenar les cais» esti martes para esixir midíes que dexen evitar casos como’l casu de la moza sevillana. N’Asturies hai dos manifestaciones convocaes a esa hora: na plaza del Parchís de Xixón y l’Escandalera d’Uviéu.
Combatir l’acoso escolar tien d’implicar a tola sociedá. #stopbullying. Énte cualquier niciu: Llama: 𝟵𝟬𝟬 𝟬𝟭𝟴 𝟬𝟭𝟴. Esti teléfonu del ministeriu ye gratuitu, anónimu y ta disponible 24 hores al día. Escribi: 𝘀𝗶𝗲-𝗮𝗰𝗼𝘀𝗼𝗲𝘀𝗰𝗼𝗹𝗮𝗿@𝗮𝘀𝘁𝘂𝗿𝗶𝗮𝘀.𝗼𝗿𝗴 Serviciu d’Inspección Educativa del Principáu Principado de Asturias / entrada IXUXÚ /
- Fonte: Educastur /Actualidá Asturies /
- Campaña: Tú puedes ser el cambio, tú tienes la voz. ¡Denuncia! (pdf)
- Reel n’asturianu /
El bullying ye una forma de violencia que puede tener graves consecuencies para’l desenvolvimientu emocional de les víctimes. Esta forma d’acoso produzse cuando un neñu, neña o adolescente ye sometíu de forma repitida ya intencional a agresiones físiques, verbales o psicolóxiques per parte d’otru neñu o grupu. De cutiu, les víctimes siéntense aisllaes. Afecta al so bienestar emocional y psicolóxico y puede desencadenar consecuencies graves y duraderes.
Prevenir y combatir del acoso escolar son responsabilidaes compartíes por tola comunidá educativa (families, docentes, compañeros y compañeres, personal non docente…) y pola sociedá polo xeneral. La comunicación, y en concretu la publicidá social, xuega un papel fundamental a la de consiguir esti oxetivu.
Por esa razón, el Gobiernu del Principáu llanza una nueva campaña, que ye una llamada a l’acción para remover les conciencies y animar a toles persones de la redolada escolar y familiar, tamién a les víctimes, a denuncialo.
