- Principado de Asturias / El Comercio / Actualidá /
- Asina suena’l ‘Asturies, patria quería’ en Xapón.
- https://www.facebook.com/bgvilladexixon
Asturies va ser la protagonista durante los prósimos cinco díes del pabellón d’España na Esposición Universal d’Osaka Expo2025 大阪・関西万博, inaugurada güei, con un puntu d’información turística y un photocall. Como elementu central de la xornada, la Banda de Gaitas Villa de Xixón desfiló y presentó un espectáculo cultural de fusión de jazz y folclore asturianu con la Little Band Jazz de #Osaka.
Inconfundible para cualquier asturianu. La banda de gaites Villa de Xixón empezaba a tocar esti martes el ‘Asturies, patria quería’ anque nun escenariu y un país bien distintu al que tán avezaos. L’himnu de la comunidá autónoma retumbó na Expo Universal Osaka 2025, en Xapón, énte la sollerte mirada del publico nipón.
L’eventu, que cunta con un pabellón d’España, céntrase esta selmana n’Asturies y poro, el Principáu quixo amosar la so cultura y tradición xuntu cola banda de gaites. Lo que foi tou un aciertu. «Encánta-yos l’himnu d’Asturies, ‘Chalaneru’…», afirma’l presidente de la banda, José Luis García. «Avérase muncho públicu cuando tocamos la bandina y sacámoslos a baillar una danza prima. Hai una bien bona reacción», apunta.
Mientres el día de güei realizaron una fusión ente la música tradicional asturiana y el jazz nipón. «La fusión cultural ta funcionando perbién», señala.
Mañana, 8 d’ochobre, va celebrase’l Día d’Honor d’Asturies cola presencia del embaxador d’España en Xapón, Íñigo de Palaciu; el comisariado del pabellón, José Andrés Torres Mora, y profesionales niponos.
