RTPA /Cincuenta obres de 44 artistes que formen parte de la colección BBVA. La cúpula del Niemeyer acueye dende güei y hasta’l 1 de marzu la esposición ‘Arte y Espiritualidá. Imaxinar lo estraordinario’. Cincuenta obres de 44 artistes ente pintures, escultures y fotografíes que formen parte de la colección BBVA. Un viaxe al traviés de siete sieglos d’arte.
Los güeyos d’una semeya de Marina Abramovic, captada nes cocines de la Llaboral en 2009, atópense con ‘La Resurrección del Señor de Luis Vélez’, del sieglu XVI. Pente medies el videu arte de Bill Viola. Ye lo ecléctico d’esta esposición, ‘Arte y Espiritualidá. Imaxinar lo Estraordinario’.
La cúpula del Niemeyer acueye una escoyeta de los fondos históricu y contemporaneu de la colección BBVA, na que s’inclúi a dos artistes asturianos: Hugo Fontela y Pablo Armesto.
L’escritor James Joyce diznos que cerremos los güeyos y miremos, pero nesti casu, contradicímoslu: ábranlos y esfruten del arte.
