Pilar Alegría comprométese énte escolinos a reforzar la equidá del sistema educativu. La ministra d’Educación, Formación Profesional y Deportes, Pilar Alegría, va asistir esti xueves al Congresu Nacional de Radio Escolar 2025, al que van asistir 250 docentes de les distintes comunidaes autónomes. Actualidá /
La cita, que se va celebrar per dos díes nel Auditoriu Príncipe Felipe d’Uviéu, tien como oxetivu promover l’usu educativu de la radio escolar como mediu p’ameyorar los procesos d’enseñanza y aprendizaxe nes distintes etapes educatives, por aciu del espardimientu de proyectos y esperiencies desenvueltes nos centros escolares de tol país.
Les xornaes, entamaes pol Ministeriu d’Educación, Formación Profesional y Deportes, en collaboración col Principáu d’Asturies, tán dirixíes a profesores de toles etapes educatives, personal de sofitu educativu y axentes de l’alministración interesaos en conocer y compartir bones práctiques rellacionaes cola radio escolar.
