RTPA / Videu de Daniela /
L’escritor fai un percorríu pela imaxinación de neños de 36 colexos d’Asturies. L’escritor Eduardo Mendoza, Premiu Princesa d’Asturies de les Lletres 2025, participó esta mañana nun alcuentru con alumnos y profesores por cuenta de la inauguración de la esposición ‘El mio camín d’escuela.
Na Fábrica d’Armes de La Vega, Eduardo Mendonza fixo un percorríu pela imaxinación de neños de 36 colexos d’Asturies, al traviés de los sos dibuxos.
En concreto, el galardonáu col premiu Princesa de les Lletres visitó la esposición con dibuxos fechos a partir de lo qu’a caún-y suxería’l cuentu ‘El camino del cole’, de Mendoza. L’escritor tuvo una charra colos escolinos y dalgunos de los sos profesores.
L’artista Israel Huerta, responsable de la esposición, xunto cola profesora María Alonso, fixeron de maestros de ceremonies. Dalgunos d’esos neños esplicaron los sos dibuxos y cómo vivieron esta esperiencia.
❤️
Daniela tien 9 años y dos heroínes acompáñenla acaldía nel hospital: «Son simpátiques y responsables». ➡️ La so hestoria ye una de les dibuxaes por neños de toa Asturies n’homenaxe al cuentu «El camín del cole», d’Eduardo Mendoza 🦸♂️ Ellos dieron superpoderes a les persones que s’atopen acaldía de camín a la so clase. ✒️ El mesmu escritor, premio «Princesa d’Asturies» de les Lletres, visitó l’amuesa con tolos dibuxos n’Uviéu y te cuntámoslo nun nuevu capítulu de 📹 LOS PREMIOS AL DÍA 🎙️
#LosPremiosAlDía #Capítulo7
