«Somos polvu d’estrelles
cavilgando sobro estrelles». Carl Sagan.
La Selmana Mundial del Espaciu ta destinada a celebrar cada añu les contribuciones de la ciencia y la tecnoloxía espaciales al meyoramientu de la condición humana. La tema de la Selmana Mundial del Espaciu 2025 ye «Vivir nel espaciu», una tema qu’esquiza’l viaxe de la humanidá pa convertir l’espaciu nun hábitat, faciendo fincapié nes tecnoloxíes innovadores, les torgues y los esfuerzos de collaboración necesarios p’algamar esta aspiración.
Feches establecíes pola Asamblea Xeneral de les Naciones Xuníes por aciu el resolvimientu 54/68 del 6 d’avientu de 1999, coles mires de conmemorar el llanzamientu del primer satélite artificial, Sputnik 1, el 4 d’ochobre de 1957, y l’entrada a valir del Tratáu sobro l’Espaciu Ultraterrestre el 10 d’ochobre de 1967.
Mientres esta selmana, llevaranse a cabo actividaes en más de 90 países, incluyendo eventos educativos, talleres, conferencies y esposiciones, con un fuerte enfoque na divulgación científica y l’inspiración de nueves xeneraciones.
