National Geographic escueye un castañar asturianu como uno de los más bellos d’España. Monte de Moal. Definen esti enclave como «una bella paraxa al par que misteriosu». La Voz
Agora que tamos metíos de llenu en plena seronda, lleguen con él les sos característiques fueyes caduques, los anocheceres más tempraneros y el fríu. Pero tamién ye una estación que nos dexa esfrutar de rutes espectaculares nes que yá podemos ver cómo les castañes cayíes de los árboles anubren los sos senderos colos sos pulgos en forma de corpuspín. Por esti motivu, dende National Geographic, una de les revistes de viaxes más prestixoses de too el planeta, decidieron arrexuntar nun artículu los meyores *castañares del nuesu país.
Como nun podía ser d’otra forma, Asturies, una tierra especialmente rellacionada coles castañes, cuenta cola so propia representación na selección del mediu estadounidense.
Nesta pieza periodística esplícase l’orixe del Amagüestu, «una celebración d’orixe paganu qu’honraba la llegada de les colleches de la seronda». Amás, encamienten empezar esta festividá «caleciendo’l cuerpu con lleche de castañes, pa dempués llanzase a percorrer los montes».
El castañar qu’escoyeron atopase en Moal y catalogase como unu de los «más bellos d’Asturies». S’engloba nel marcu del Parque Natural de les Fontes del Narcea, Degaña y Ibias. Describise como «una bella paraxa al par que misteriosu» y espliquen estes característiques por «lo tupio de la so floresta y poles gurrianes que suelen escondela hasta mediudía». Finalmente, espliquen que la sienda que la percuerre tien 9 km ida y vuelta y empecípiase dende Cangas.
A lo último, los otros enclaves escoyíos nesti artículu son: El Tremezo (Ávila), Los Migollos (Llión), Montseny (Barcelona/Girona), Valle del Ambroz (Cáceres), Raspiar de Puertu Real (Madrid), Valle del Genal (Málaga), O Courel (Llugo) y Señoríu de Bértiz (Navarra).
