Santa María del Naranco, n’Uviéu
El 16 de payares celebra’l Día Internacional del Patrimoniu Mundial, una fecha emblemática, na cual establecióse un alcuerdu para la protección, curiáu y preservación de tolos sitios naturales y culturales qu’esisten sobro’l planeta.
El Patrimoniu Mundial constitúi tolos bienes naturales y culturales qu’esisten nel mundu y que formen parte de la riqueza y l’heriedu de tola humanidá. D’ende la importancia del so cuidu, protección y preservación. Anguaño, munchos d’estos sitios atópense en riesgu de sumir debíu al comportamientu irresponsable y depredador de los seres humanos.
Gracies a la participación de la UNESCO y el Conseyu Internacional de Monumentos y Sitios, púsose en marcha la ellaboración d’un informe que’l so fin foi la protección de too el patrimoniu natural y cultural de tola humanidá tantu del presente como del futuru, pero la so concreción vendría unos años dempués, cuando se redactó un documentu que foi aprobáu na Conferencia Xeneral de la UNESCO llevada a cabu’l 16 de payares de 1972.
Les Obres Maestres de Patrimoniu Oral ya Inmaterial de la Humanidá entienden toles espresiones vives y tradiciones que fueron un legáu de los nuesos antepasaos y que tendríen de ser calteníos por que sigan na memoria de les futures xeneraciones.
Esti importante patrimoniu toma’l mundu de les artes, toles tradiciones orales, festividaes, costumes sociales, rituales, saberes y tou aquella conocencia que engrandezca la vida de los homes.
Esto foi propuestu pola UNESCO nel añu 1999 y que tamién forma parte del Patrimoniu Mundial. Con ello, búscase tar preparaos para los nuevos desafíos que traviesa la raza humana como la sobre población, el cambéu climáticu, l’urbanismu desenfrenáu, desastres naturales, etc.
Según la UNESCO’l patrimoniu mundial de la humanidá toma’l Patrimoniu Cultural, el Patrimoniu Natural y los Bienes Mistos, clasificándolos de la siguiente manera:
- Monumentos, ciudaes, paisaxes urbanos, pintures, escultures, llugares arqueolóxicos.
- Manifestaciones culturales de los pueblos como la música, la danza, fiestes tradicionales, artesanía, gastronomía, les distintes llingües. etc.
- Parques Nacionales, ecosistemes, glaciares, montes tropicales, cueves, petones coralinos, fauna y vexetación, montes, etc.
España: Ocupa’l tercer llugar de la llista con 45 sitios. Dotada d’años d’hestoria y bagaxe cultural, el país ibéricu cuenta con pimpanos palacios, mezquites, monesterios, según llugares naturales, unu d’ellos, les mundialmente conocíes Cueves d’Altamira.
