La tema del eventu de 2025 ye «el saneamientu nun mundu cambiante». Güei 19 de payares celebra’l “Toilet-day”. Establecíu pola ONU, ye un día para resaltar la importancia d’un bon saneamientu que nos protexa de les enfermedaes y caltenga llimpiu la nuesa redolada. Alredor del mundu hai millones de persones que nun tienen accesu a un sanitariu seguru, afectando sobremanera a los más probes, especialmente a muyeres y neñes.
Según la ONU la demanda de sanitarios seguros crez, pero la so inversión nun la fai al mesmu ritmu. Dende esta organización faen un llamamientu pa crear retretes: que sían accesibles pa toos, que sían resilientes a hinchentes, seques y otros choques climáticos, qu’amenorguen al mínimu les emisiones de gases d’efectu invernaderu, que tean sofitaos por sistemes sólidos ya inversiones sosteníes.
CADASA celebra en Valdés el Día Mundial del Retrete con talleres para concenciar sobro l’usu responsable de l’agua a 150 escolares. Les actividaes amuesen los problemes que xeneren xestos cotidianos como tirar al inodoro toallines, aceite o melecines qu’estropien la rede de saneamientu y el mediu ambiente. El Gobiernu d’Asturies invierte cada añu 60 millones na depuración d’agües residuales. Actualidá
Esta efeméride sorraya la importancia de cuntar con sistemes de saneamientu fayadizos, esenciales para’l desenvolvimientu, la salú y la protección del mediu ambiente.
Les actividaes programaes encetaron los problemes que xeneren ciertos vezos cotidianos, como utilizar l’inodoro de papelera. Refundiar toallines hixéniques, compreses, pañales, aceite o melecines al retrete provoca obstrucciones nes tuberíes y contribúi a la contaminación de l’agua, lo que xenera daños medioambientales y costos adicionales nel caltenimientu de la rede.
Mientres los talleres, educadores ambientales de Cadasa esplicaron la relevancia de l’agua na vida y los procesos de potabilización y depuración. Paralelamente, na plaza Alfonso X El Sabiu de L.luarca, coincidiendo col mercáu selmanal, instalóse un puntu informativu pa dar a conocer la efeméride y les funciones de Cadasa nel ciclu integral de l’agua.
La directora xeneral de l’Agua, Vanesa Mateo, acompañada pol alcalde de Valdés, Óscar Pérez, y el xerente de Cadasa, Manuel Gutiérrez, participó nos actos y sorrayó que nos procesos de depuración detéctense sustances difíciles de controlar, xeneralmente venceyaes a l’actividá urbana y non a arramaos industriales, lo que complica la so eliminación.
La Conseyería de Movilidá, Mediu Ambiente y Xestión d’Emerxencies destina cada añu 60 millones al tratamientu d’agües residuales. En 2024 tratáronse cerca de 200 millones de metros cúbicos.
La inversión prioritaria céntrase nel caltenimientu y meyora de la rede de saneamientu, dientro del programa integral que Cadasa desenvuelve en tola rede autonómica. Esti sistema da serviciu a más del 80 % de la población asturiana, partida en 55 conceyos, y cuenta con 41 sistemes de saneamientu, 46 depuradores, 36 pequenes instalaciones de tratamientu, 218 estaciones de bombéu, 193 alliviaderos, 7 emisarios submarinos y 519 kilómetros de colectores.
L’agua ye un recursu natural, indispensable para la vida y para la mayoría de les nueses actividaes diaries. Unu de los oxetivos del Consorciu d’Agües d’Asturies ye llevar a cabu una importante llabor de divulgación sobro l’agua, los sos ciclos y el so usu responsable. Los cuentos del agua.
