Nel conxuntu del país, les ventes crecieron n’ochobre un 4,4%. El comerciu minorista asturianu aumentó les ventes nos diez primeros meses del añu un 1,4 por cientu respecto al mesmu periodu del pasáu exerciciu, mientres que l’empléu repicó un 0,8 por cientu, según los datos asoleyaos esti vienres pol Institutu Nacional d’Estadística (INE). Namás n’ochobre, les ventes del sector xubieron un 1,2 por cientu en tasa interañal y la ocupación aumentó un 1,3 por cientu. Nel conxuntu del país, les ventes crecieron n’ochobre un 4,4 por cientu y l’empléu, un 0,9 por cientu.
