El xueves foi’l día más airosu del episodiu. A les 16.10 hores de la tarde anotóse xuna racha de 179 km/h na estación meteorolóxica de Vega d’Ariu en Picos d’Europa. Tamién destacaron los 125 km/h en Cabrales, los 112 km/h en Sotres y los 100 km/h en Payares. El vienres va ser un día tamién airosu (de componente sur) pero con menor intensidá. Nun se refuga que puedan superase los 90 o 100 km/h nel cordal pero van ser datos que van quedar bien llueñe de los casi 180 km/h del xueves. Nel restu, van ser raches d’intensidá moderada que van rondar los 60 km/h aprosimao a lo sumo.
Les temperatures van ser bien similares a les del xueves. Poro, espérase un ambiente térmico prestosu. Concretamente, llegar a algamar temperatures na redolada de los 24/25 ºC en poblaciones costeres, polo que se van volver a superar con facilidá los 20 ºC en munches localidaes. En cuanto al estáu de los cielos, prevense intervalos nublos con momentos de grandes claros, salvo nel sur de la rexón onde se va reparar mayor nubosidad y que podría dexar delles precipitaciones.
El sábadu, tiempu estable con vientos de sur moderaos y temperatures ensin cambeos o en llixeru descensu
