Esperamos la entrada d’una masa d’aire frío que, anque va impactar de llenu nel nordés peninsular, tamién nos afectará en menor midida pero lo suficiente como para poder llegar a ver nieve a partir de los 700 metros a lo llargo d’un episodiu que se va enllargar hasta’l vienres incluyíu. Esperamos precipitaciones yá mientres la mañana, pero a partir de la tarde los bastios van ser muncho más frecuentes ya inclusive abondosos. Va ser a lo llargo de la tarde cuando la masa d’aire frío vaiga entrando y, d’esta forma, consiguiendo que la cota de nieve vaiga baxando. Nel tramu final del día preve nieve a partir de los 1000 metros d’altor.
L’Axencia Estatal de Meteoroloxía va activar a partir de les 18:00 hores l’avisu mariellu nel cordal por nevaes a partir de los 1000 metros. Los vientos van ser fluexos d’oeste pela mañana, afitándose de norte a lo llargo de la tarde con intensidá moderada. Les temperatures van baxar llixeramente respectu al martes.
El xueves va ser un día cargáu de nubes y precipitaciones que van dexar nieve a partir de los 700 metros. L’avisu nel cordal va pasar a nivel naranxa y, amás, nel suroccidente va activase tamién l’avisu mariellu por nevaes. Los vientos van soplar de norte moderaos con raches fuertes na mariña.
El vienres prevense nevaes a partir de los 700 metros anque xubiendo hasta los 900 metros.
