Espérense cielos nublos o bien nublos otra vegada anque nun se refuga l’apertura de delles escamplaes a la fin del día. Les precipitaciones van tar presentes entá pela mañana y van tender a dir unviando de cara a la segunda parte de la xornada. Estes precipitaciones entá podríen ser localmente moderaes nes primeres hores de la mañana dexando nieve a partir de los 1200 metros d’altor. Conforme vaiga trescurriendo’l miércoles la cota va dir xubiendo hasta los 1500 o 1600 metros anque, como acabamos de comentar, apenes s’espera inestabilidá pela tarde. Los vientos van ser fluexos y variables con delles raches moderaes sía que non na mariña y en zones altes del cordal. Tanto les temperatures máximes como les mínimes van xubir de forma llixera namá nel suroccidente asturianu. Nel restu del Principáu van caltenese ensin grandes cambeos al respective de les anotaes el martes.
El xueves vamos ver el sol na nuesa rexón cuidao que dende primer hora los cielos van tar poco nublos. A lo sumo, prevense intervalos de nubes altes insignificantes mientres el día. La probabilidá de precipitaciones va ser rotundamente nula. Los vientos van ser fluexos polo xeneral y les temperatures van xubir de forma xeneralizada ente 3 y 5 ºC.
