Esperamos una mañana con bastios que podríen afectar a cualquier puntu de la rexón. La cota de nieve va rondar los 1000 metros a primeres hores de la mañana, con enclín a xubir hasta los 1200 metros progresivamente. De cara a la tarde, anque nun se refuga que pueda escapase entá dalgún bastiu, la inestabilidá va dir a menos hasta acabar unviando por completu. Mientres el tramu final del día abrirán grandes claros pudiendo quedar los cielos poco nublos. Los vientos van soplar de componente norte moderaes pela mañana, van acabar siendo fluexos y variables col intre de la tarde, y finalmente van poder soplar de sur al concluyir el día. Les temperatures máximes van baxar en tola Comunidá Autónoma. Esti descensu va ser más significativu nel cordal y nel oriente (hasta 4 o 5 ºC menos que’l sábadu). Nel casu de les mínimes, el descensu va ser más notable pudiendo baxar hasta 6 ºC nel interior especialmente.
El llunes vamos empecipiar el mes d’avientu con tiempu estable. A lo sumo prevense intervalos de nubes altes que van dexar los cielos atapecíos. Los vientos van soplar de suroeste moderaos nel occidente y más fluexos nel restu. Les temperatures, gracies a estos vientos, van xubir de forma xeneralizada.
