- Alborecemos col cielu nuboso ya con unes temperatures que tan alrodiu de los 12ºC, rexistrándose nel puirtu Payares 2,5ºC.
- Güei vamos tener el cielu mui nuboso cola posibilidá de alguna precipitación, sobre too na fastera ocidental onde puen ser de calter moderáu, nel restu sedrán febles ya ocasionales con unes temperatures en descensu por mor de la entrada de vientu gallegu que pue soplar con raches fuertes en zones altes ya en puntos del llitoral.
- Mañana vienres sedrá un día pasáu per agua con xarabatos frecuentes ya moderaos con unes temperatures que siguen baxando, pudiendo nevar al finar el día nes cumes más altes de la cordelera.
- El sábadu paez qu’escamplará ya tendremos un día soleyeru y perguapu anque fresco, ya’l domingu veremos más nubes pero l’ambiente sedrá seliquino con unes temperatures que van camudar poco o descenderán les mínimes.
