«Torna’l Nuberu»
- Alborecemos col cielu nuboso y dalguna gotera ya con unes temperatures que tan alrodiu de los 14ºC, rexistrándose nel puirtu Payares 4ºC.
- Güei la llegada d’un frente fríu va dexanos precipitaciones de calter moderáu a partir del mediudía, amás d’un descensu de les temperatures. La cota de nieve va tar alta, solo nes cumes más altes de la cordelera perriba de los 2000m, pa dir baxando pali que pali hasta los 1300-1400m al finar el día. L’aire rolará a componente noroeste y sedrá sele en xeneral, sicasí en puntos del llitoral y zones altes pue soplar con dalguna racha moderada.
- Mañana martes vamos tener xarabatos intermitentes ente febles y moderaos y les temperatures van seguir baxando con una cota de nieve que rondará los 1300m. L’aire seguirá siendo de componente noroeste con dalguna racha moderada nel llitoral y zones altes.
- El miércoles va a caltenese’l cielu nuboso pero con mui poques posibilidaes de lluvia con unes temperatures que van camudar poco o subirán llixeramente les másimes col aire que sedrá sele ya variable.
- El xueves va seguir el cielu con intervalos nubosos y l’ambiente fresco y paez que la fin de selmana pue afeutanos otra vaguada que mos dexará precipitaciones y nevaes pela cordelera pero esto yá lu diremos viendo.
