🏛️La conseyera de Cultura, Política Llingüística y Deporte, @avanessagutierrez, visitó en Candás el Reguerada Fest, un puntu d’alcuentru pa la creación cultural y empresarial n’asturianu. 📍Nel espaciu de La Fábrica d’Ortiz, la conseyera percorrió’l mercáu y la feria na que participen una ventena d’empreses y entidaes, y onde s’ufren actividaes pa tolos públicos al traviés de charles, talleres, recitales, visites y conciertos.
🗓️ El festival ta en marcha hasta’l domingu 16 de payares y el públicu puede afondar na oralidá y na lliteratura asturiana, conocer propuestes empresariales vinculaes al idioma, participar en talleres de baille tradicional o cerveza artesano, y disfrutar d’actuaciones musicales como les de @ferlame y @herbamora. El programa inclúi tamién propuestes pa la mocedá, con talleres de lliteratura, xuegos de mesa, llinguaxe cinematográficu, un cuntacuentos y l’espectáculu Al rodiu’l horru d’É Vero Teatro.
🎟️ Toles actividaes son de baldre.
