La empresa axunta información de ciudadanos, empreses y alministración. RTPA ‘Universal Plastic’ ye una empresa d’innovación tecnolóxica asturiana que foi reconocida como meyor startup d’economía azul na Xunión Europea. Axunta información de ciudadanos, empreses y alministración pa, por casu, poder acometer con más precisión la llimpieza de plásticu de los océanos.
Nuna entrevista en TPA Noticies Matinal. Álvaro Bravo, CEO de ‘Universal Plastic’, esplicó que les ferramientes de ‘Universal Plastic’ conecten tres pates: ciudadanía, alministración y empreses. Creen una gran base de datos que dexa depués actuar con precisión.
Un exemplu, na recoyida de los pellets nes sableres, si se tuvisera en cuenta la información recoyida por ‘Universal Plastic’ podríen optimizase les actuaciones.
Los datos xeneraos nes llimpieces de sableres pasen agora tamién a formar parte d’una infraestructura dixital que conecta la información oceánica de los países miembros de la Unesco.
