El Muséu del Xurásicu recupera dos nuevos fósiles d’un gran dinosauriu saurópodu. RTPA
El tamañu y el pesu d’estos fósiles, y la dificultá pa sacalos del cantil, necesitó la collaboración del Exércitu.
El Muséu Xurásicu d’Asturies recuperó esti vienres, cola collaboración d’un helicópteru de les Fuerces Aeromóviles del Exércitu de Tierra y del Batallón d’Helicópteros de Maniobra III, dos nuevos bloques con restos fósiles d’un gran dinosauriu saurópodu alcontráu nos cantiles de Ribeseya.
El treslláu d’esti material, al qu’asistió, la conseyera de Cultura, Política Llingüística y Deporte d’Asturies, Vanessa Gutiérrez, pon fin a la segunda campaña d’escavación del MUXA fecha nos cantiles de Ribeseya pol equipu científicu del muséu xunto col investigador del Muséu de Trelew (Chubut, Arxentina) Pablo Puerta y el paleontólogu y responsable de la Colección Estatal de Paleontoloxía y Xeoloxía de Baviera, Oliver Rauhut.
🏛️ La conseyera de Cultura, @avanessagutierrez, acompañó la operación, que pon fin a la segunda campaña d’escavación, xunto al equipu científicu del muséu y personal militar del exércitu de tierra.👩🏻🔬 Esti trabayu forma parte d’un proyectu científicu internacional que va siguir en 2026 pa recuperar tolos restos d’esti saurópodu xigante d’unos 20 metros de llargor.
El tamañu y el pesu de los dos bloques recuperaos, de daqué menos d’una tonelada cada unu, xuníu a la dificultá d’accesu al xacimientu y la relevancia del material, obligaron a utilizar un helicópteru y a solicitar l’ayuda del Exércitu para’l so treslláu al Muséu, onde se va siguir trabayando na preparación de les pieces para’l so posterior analís y estudiu.
El director científicu del MUJA, José Carlos García Ramos, esplicó la magnitú del descubrimientu. «Esti afayu supon bien de, porque sería’l primera gran dinosauriu qu’atopamos n’Asturies», afirmó. El descubrimientu de los restos d’esti cuadrúpedu herbívoru, per parte d’un alumnu de Xeoloxía de la Universidá d’Uviéu, ye «una esceición» que nun va ser fácil que se repita, según esplicó’l científicu, porque les característiques de la mariña asturiana faen «bien difícil» topar fósiles d’animales de gran tamañu.
Se han necesitado dos vuelos de helitransporte en máxima carga con el helicóptero NH90 debido al gran volumen y peso de estos hallazgos, el cual ha tenido una duración de 6 horas. #SomsotuEjército 
