Asturies asítiase como referente de movilidá sostenible y del sistema de billete únicu para toa España gracies al ésitu de CONECTA. L’abonu nacional anunciáu güei para toa España retruca’l modelu aplicáu nel Principáu. Actualidá
El gobiernu autonómicu va siguir trabayando col ministeriu por llograr una malla de tresporte integrada y eficiente como ferramienta d’equidá y cohesión territorial. Más de 402.000 persones son usuaries del billete únicu de CTA, qu’impulsó una medría del 53% de viaxeros en tresporte públicu.
Dende setiembre de 2022 CONECTA aúna tola ufierta de tresporte públicu de les trés alministraciones en territoriu asturianu: competencia municipal (TUA, EMTUSA y EMUTSA), competencia autonómica (servicios interurbanos de CTA) y tresporte ferroviariu de competencia estatal (cercaníes ferroviaries de Renfe y Feve).
N’Asturies yá tenemos la tarxeta CTA de tresporte.
El presidente del Gobiernu, Pedro Sánchez, anunció esti llunes la puesta en marcha, el próximu mes de xineru, d’un abonu tresporte únicu con un preciu de 60 euros al mes para viaxar por tol país en cercaníes, media distancia y autobuses de la rede estatal. L’abonu va dexar, por 60 euros mensuales —y 30 euros para los mozos d’hasta 26 años—, viaxar ensin llende por toa España nos servicios citaos.
L’abonu va adquirise al traviés de les canales habilitaes polos operadores (webs, aplicaciones, taquilles, máquines d’autoventa…), que van expedir un localizador, que va trocase darréu nel momentu de la compra de cada títulu de viaxe.
El nuevu abonu va funcionar de forma similar a la tarxeta CONECTA, l’abonu asturiano que cunta yá con 391.000 titulares. La esperiencia positiva d’esti modelu sirvió de referencia para’l diseñu del nuevu sistema estatal, que va integrar distintos medios de tresporte públicu so un únicu abonu y va simplificar los desplazamientos ente comunidaes autónomes.
La creación d’esta tarxeta yera xuna demanda de delles entidaes sociales y ecoloxistes, como Greenpeace, qu’en 2023 punxo en marcha una campaña por un abonu pa tol país con viaxes a un euru.
Con esta iniciativa, l’Executivu pretende fomentar l’usu del tresporte públicu, amenorgar la dependencia del vehículu priváu y contribuyir a la llucha contra’l cambéu climáticu. El Gobiernu considera qu’esta midida va suponer un importante aliviu económicu pa miles de families y nueves, amás de fortalecer la cohesión territorial y l’igualdá d’oportunidaes nel accesu al tresporte.
