Ye una celebración añal que tien llugar el 18 d’avientu dende 2000, instaurada pola Asamblea Xeneral de les Naciones Xuníes n’ese mesmu añu.
Esta proclamación respondió a la creciente reconocencia de la migración como un fenómenu global significativu per parte de los Estaos miembros de la ONU y otres organizaciones internacionales, nun contestu onde los fluxos migratorios amontárense notablemente. L‘oxetivu; según los organizadores; ye resaltar la importancia de respetar y protexer los derechos humanos de los migrantes, según destacar la so contribución al desenvolvimientu nos países d’orixe y destín.
La proclamación tamién busca fomentar la cooperación internacional para encetar los desafíos y oportunidaes que presenta la migración, promoviendo una mayor sensibilización sobro les condiciones y necesidaes de los migrantes en tol mundu.
La vivienda y la tarxeta sanitaria, principales esmoliciones d’inmigrantes n’Avilés
L’Ayuntamientu d’Avilés presenta’l VIII Diagnósticu de la Inmigración. Un estudiu desvela que les principales esmoliciones de la población inmigrante d’Avilés ta na torga d’acceder a una vivienda, con precios por habitación que superen los 300 euros, y la falta de tarxeta sanitaria, sobre manera pol mieu a ser denunciaos nel casu de les persones que nun tienen documentación.
L’Ayuntamientu d’Avilés presentó esti miércoles el VIII Diagnósticu de la Inmigración d’Avilés fechu en 2024 basáu nuna encuesta a 294 persones de les 4.258 estranxeres censaes vinientes de 27 nacionalidaes distintes, anque sobre manera colombianos, venezolanos y peruanos.
L’estudiu foi fechu pola Rede Odina, financiada pola Conseyería de Derechos Sociales y Bienestar del Principáu, en collaboración col Ayuntamientu d’Avilés y les entidaes inxertes nel Grupu Local de la Inmigración n’Avilés (GLIA).
