Presentámosvos el cartelu de la próxima edición del LABShop edición iviernu 2025, que va tener llugar los díes 20 y 21 d’avientu en Llaboral Centru d’Arte y Creación Industrial. Nesta edición van participar con puestu 95 artistes, ceadores y editoriales independientes. Amás del mercáu vamos tener munches otres actividaes que vos diremos anunciando: conciertos, taller de baille y musical, proyecciones, alderica- coloquiu, CosplayLAB, cuentacuentos, pintacaras y munchos más …
Mientres tou la fin de selmana vais poder aportar a toles esposiciones de Llaboral Centru d’Arte. Tou ello gratuitu hasta completar aforu. Amás, nesta edición vamos tener 30 talleres, tantu infantiles como para adultos que yá tamos publicando y a los que podéis dir inscribiendo. Vamos tener tamién una zona gastro-chigre con opciones para tolos gustos. Tamos deseyando que llegue esta fin de selmana y compartir con @vosotr@s tolo que preparemos.
Gracies a los nuesos patrocinadores: Conseyeria de Cultura, Política Llingüística y Deporte @culturast ,Xixón Impulsa @gijonimpulsa, Caxa Rural de Xixón @fundacioncajaruraldegijon, Estrella Galicia @estrellagalicia. Cartelu diseñáu por @cuatrogotes cola colaboración de David Busto.
