Esperamos una xornada nubosa con posibilidá de bastios que, anque van ser más frecuentes nel occidente y nel sur, tamién van poder afectar a otros puntos de la rexón sobremanera pela mañana. En principiu la tarde va presentase más estable pero con predominiu de nubosidá igualmente. Los vientos prevense de suroeste con raches moderaes polo xeneral. Asina tou, podrán rexistrase raches daqué más fuertes na mariña y, mientres el tramu final del día, tamién s’esperen raches fuertes en puntos del occidente asturianu. Les temperatures apenes van variar tanto nel casu de les máximes como nel de les mínimes. Sía que non, podría esperimentase un llixeru ascensu de les mínimes nel oriente del Principáu. La cota de nieve va rondar los 1400-1600 metros d’altor. L’Axencia Estatal de Meteoroloxía va caltener l’avisu naranxa hasta les 20:00 hores en tola mariña por foles d’hasta 6 metros d’altor. Esti avisu va baxar a nivel mariellu a partir d’esa hora por foles d’hasta 4 o 5 metros.
El xueves vamos encarar un día nel que volverán predominar les nubes, los bastios van ser más probables y frecuentes y los vientos van soplar con fuerza especialmente na mariña y occidente. En cuanto al avisu de foles reactivaráse’l nivel naranxa por foles d’hasta 6 metros. Les temperatures mínimes van xubir y les máximes van caltenese.
