En llínees xenerales esperamos bon tiempu mientres tou estos díes festivos. Esti sábadu prevense intervalos de nubes altes a lo sumo que van dexar los cielos atapecíos. Sía que non, va haber más nubosidá nel cordal y nel estremu oeste. La probabilidá de precipitaciones va ser bien baxa o prácticamente nula. Los vientos van soplar de suroeste con raches moderaes pudiendo ser localmente fuertes en zones altes del cordal y tamién nel terciu occidental asturianu. Gracies a estos vientos les temperatures van xubir. Les temperatures máximes van xubir 2 o 3 ºC más que’l vienres, pudiendo ser la xubida de les temperatures daqué más significativa nel interior oriental. Les mínimes van xubir más de 5 ºC en comparanza coles anotaes esti vienres. Poro, vamos encarar una día térmicamente bien prestosu teniendo en cuenta les feches nes qu’atopamos. Na mariña va tar activáu l’avisu naranxa hasta medianueche por foles d’hasta 6 metros d’altor.
Mañana domingu vamos esfrutar de bon tiempu con unes temperatures máximes bien similares a les d’esti sábadu, y con vientos nuevamente de suroeste moderaos con posibilidá de raches localmente fuertes nel oeste y nel sur del Principáu d’Asturies.
El llunes esperen cielos pocu nublos en tola rexón.
