Vamos amanecer con cielos pocu nublos nel occidente y con nubosidá escontra l’oriente. Ello ye que nesti sector esperen agües mientres la mañana que van tender a unviar a lo llargo de la tarde. La nubosidá va dir retirándose pel este del Principáu polo que se van dir abriendo claros hasta quedar toa Asturies prácticamente con cielos estenos a la fin del día. Los vientos van ser fluexos polo que nada van tener que ver coles fuertes raches del martes que llegaron a rexistrar los 134 km/h en Picos d’Europa. Les temperatures máximes, por cuenta de la ausencia de vientos de sur, van baxar de forma xeneralizada. Esti descensu va rondar ente los 3 y 5 ºC menos en cualquier puntu de la Comunidá Autónoma. Les temperatures mínimes tamién van baxar en tol Principáu pero lo fadrán de forma notable nel interior oriental.
El xueves esperamos tiempu estable con cielos pocu nublos polo xeneral. A lo sumo, van entrar pel oeste intervalos de nubes medies y altes mientres la segunda parte del día, pero nun van dexar agües. Los vientos van soplar de sur moderaos y les temperatures máximes, gracies a ellos y a un mayor solazu, van xubir ente 2 y 3 ºC.
