Esperamos una mañana soleyera en tol Principáu. Namá podríen vese delles nubes na zona sur del cordal. A lo llargo de la tarde van dir entrando nubes medies y altes pel oeste que se van dir estendiendo por tola rexón. A última hora del día nun se refuguen delles precipitaciones nel estremu más occidental por cuenta de la llegada d’un frente fríu que va afectar de llenu na madrugada. Los vientos van soplar de componente sur moderaos con posibilidá de raches localmente fuertes nel oeste y en zones altes del cordal. Les temperatures máximes van xubir de forma xeneralizada pero l’ascensu va ser más significativu cuantu más nos movamos escontra la mariña (entre 3 y 4 ºC respectu al miércoles). Les mínimes apenes van esperimentar variaciones, pudiendo namá producise dellos descensos llixeros y locales na mariña oriental.
El vienres va ser un día cargáu de nubes que van dexar precipitaciones débiles pero persistentes. Les temperatures van baxar nel casu de les máximes y van xubir nel de les mínimes. Los vientos van ser fluexos y van acabar afitándose de noroeste. Prevese nieve a partir de los 1300 o 1400 metros d’altor aprosimao. Para concluyir la selmana, esperamos una fin de selmana soleyera n’Asturies.
