Esperamos una xornada meteorolóxica estable en tol Principáu d’Asturies. Pela mañana prevense delles borrines en zones propenses del centru que rápido s’estenarán. Nel restu vamos amanecer con cielos prácticamente estenos, y asina se van caltener mientres tola xornada. Los vientos van ser fluexos y variables, anque van tender a afitase de sur a partir de la tarde y, inclusive, nun se refuga qu’empiecen a aumentar la intensidá de les raches antes de concluyir el día, siquier nel cordal. Les temperatures máximes van xubir ente 3 y 4 ºC en casi tola Comunidá Autónoma en comparanza coles anotaes el sábadu. Les mínimes van baxar nel occidente y van caltenese nel restu.
El llunes vamos empezar la selmana con una mañana soleyera. A lo llargo de la tarde van entrar nubes medies y altes pol occidente y van ser posibles dellos bastios nel terciu oeste mientres les últimes hores. Los vientos van soplar de componente sur moderaos y con posibilidá de raches fuertes nel cordal nes hores centrales del día. Les temperatures máximes van baxar nel oeste y nel sur asturianu. Les mínimes van xubir de forma xeneralizada.
El martes vamos tener cielos bien nublos con precipitaciones xeneralizaes y con nevaes a partir de los 1500 metros.
