Vamos amanecer con cielos pocu nublos nel oriente, y con nubes medies y altes nel occidente. Estes nubes dirán estendiéndose a lo llargo de la mañana por tol Principáu. La inestabilidá pela mañana va ser bien pocu probable, pero mientres la tarde nun se refuguen delles precipitaciones nel cordal y nel sector oeste asturianu principalmente, ensin refugar n’otres zones de forma muncho más residual y esporádica. Los vientos van soplar de componente sur tol llunes con raches moderaes especialmente nel cordal y nel occidente. Les temperatures máximes van baxar de forma bien significativa cuanto más movamos escontra’l suroeste asturianu. Sicasí, na mariña oriental apenes van variar respectu al domingu. Tocantes a les mínimes, van xubir na metá norte y van caltenese na metá sur.
A lo llargo de la madrugada del martes los vientos van afitase de noroeste y va favorecer la entrada d’una masa de precipitaciones que van protagonizar ensin dulda el martes no meteorolóxico. Va Ser xuna xornada con abondoses agües y nevaes a partir de los 1400 metros d’altor. Les temperatures van siguir baxando.
El miércoles va ameyorar el tiempu cola apertura d’escamplaes col intre de les hores, y les agües nun van volver hasta la tarde del xueves.
