Va ser un día bien inestable en tol Principáu. Les precipitaciones van protagonizar el día y, por causa de ello, l’Axencia Estatal de Meteoroloxía va tener baxu avisu mariellu a tola rexón por posibilidá de rexistrar hasta 40 llitros per metro cuadráu en 12 hores. Nel suroccidente y nel mariniegu oeste l’avisu va enllargase hasta les 15:00 hores de la tarde. Nel sector central va concluyir a les 18:00 hores. Y en la mariña oriental y nel cordal l’avisu va allargase hasta medianueche. Amás, nel casu del suroccidente y de la mariña occidental l’AEMET destaca que tamién podríen llegar a rexistrase hasta 15 llitros per metro cuadráu en tan solo una hora. Tocantes a los vientos, van soplar de noroeste-norte con raches moderaes especialmente na mariña. Les temperatures van baxar nel casu de les máximes salvo escontra’l suroccidente onde nun van variar respectu al llunes. Les mínimes van tender a l’alza. La cota de nieve va bazcuyar ente los 1300 y los 1500 metros d’altor a lo llargo de too el martes.
El miércoles el día va presentase muncho más estable. Los cielos van tar asoleyaos con, a lo sumo, dellos intervalos de nubes altes. Les temperatures máximes van xubir y les mínimes van baxar. El xueves vamos empezar con bon tiempu y unes temperatures bien prestoses con vientos de componente sur. Asina tou, nun se refuga qu’acabe lloviendo antes de concluyir el día.
